გორში, ტურისტული სეზონი საზეიმოდ გაიხსნა.

ღონისძიება რუსთაველის ქუჩაზე  ერეკლეს აბანოს მიმდებარე ტერიტორიაზე გაიმართა, სადაც წარმოდგენილი იყო საქართველოს ეროვნულ მუზეუმში დაცული მეფე ერეკლეს პირადი ნივთები და სკოლების კუთხეები თემით - „ერეკლე და ძველი გორი“. 

გამოფენის პარალელურად, აღნიშნული კულტურული მემკვიდრეობის ძეგლის მიმდებარედ მიმდინარეობდა ხელნაკეთი ნივთების ბაზრობა, რომელშიც მონაწილეობას იღებდნენ ხელოვანები რეგიონის ოთხივე მუნიციპალიტეტიდან.

ღონისძიებაში მონაწილეობას იღებდნენ ადგილობრივი შემოქმედებითი ჯგუფებიც.