ნუგზარ სხირელის სახელობის გორის ჭიდაობის სკოლის სპორტსმენებმა საქართველოს ჩემპიონატზე თავისუფალ ჭიდაობაში 15 წლამდელთა შორის, 1 ოქროს, 2 ვერცხლის და 6 ბრინჯაოს მედალი მოიპოვეს.

ჩემპიონატის გამარჯვებული და ოქროს მედლის მფლობელი დავით პაპუკიშვილი გახდა. ვერცხლის მედალი თემო თუთარაშვილმა და გოგა ოთინაშვილმა მოიპოვეს. ნიკოლოზ მაჭარაშვილი, საბა მინდიაშვილი, გოგა გობაძე, ცოტნე ბერძენიშვილი, აკაკი მაზმიშვილი და რატი რევაზაშვილი კი ჩემპიონატის ბრინჯაოს მედლის პრიზიორები გახდნენ.

ზემოაღნიშნული სკოლის სპორტსმენების გარდა, ჩემპიონატზე შოთა ჩოჩიშვილის სახელობის კომპლექსური სპორტული სკოლის მოჭიდავეებმა - დემეტრე ბოლოთაშვილმა და რატი ბერიძემ ბრინჯაოს მედლები მოიპოვეს.

მოპოვებული შედეგების მიხედვით, გორელებმა გუნდური პირველი ადგილიც დაიკავეს.

საქართველოს ჩემპიონატი თავისუფალ ჭიდაობაში 15 წლამდელთა შორის, სტეფანწმინდაში ჩატარდა.