საზოგადოება
04.05.2023 12:19
გიორგობის მოახლოებულ დღესასწაულთან დაკავშირებით, გორიჯვრის ტაძრის მიმდებარე ტერიტორია დასუფთავდა
გიორგობის მოახლოებულ დღესასწაულთან დაკავშირებით, წმინდა გიორგის სახელობის ტაძრის მიმდებარე ტერიტორია დასუფთავდა, - აღნიშნულ ინფორმაციას გორის მუნიციპალიტეტის კეთილმოწყობის სააგენტო ავრცელებს.
სააგენტოს თანამშრომლებმა ფერდობიდან ჩამოშლილი მიწისგან გაწმინდეს ტაძრამდე მისასვლელი საავტომობილო გზა, საფეხმავლო ბილიკი, მოთიბეს ბალახი და სანიაღვრე არხები ამოწმინდეს.
შეგახსენებთ, მართლმადიდებელი ეკლესია 6 მაისს, წმინდა დიდმოწამე გიორგის აღსრულების დღეს აღნიშნავს. წმინდა საკვირველთმოქმედი და ძლევაშემოსილი გიორგი ქართველი ერის მფარველად მიიჩნევა და იგი საქართველოში გამორჩეულად უყვართ.
გიორგობას, 6 მაისს, განსაკუთრებულად აღნიშნავენ გორში. გორელ მორწმუნეთა უმრავლესობა გორიჯვრის მთაზე მდებარე წმინდა გიორგის სახელობის ეკლესიაში მიდის.
