დედამიწის დღის აღსანიშნავად გამართულ კონკურში გამარჯვებული გორელი მოსწავლეები თბილისში, ექსპერიმენტორიუმის მუზეუმში გაემგზავრებიან.

 „გორის მაცნეს“ ინფორმაციით, კულტურისა და ახალგაზრდობის განყოფილების ორგანიზებით გამართულ კონკურსში 15 გამარჯვებული გამოვლინდა.

ღონისძიების ფარგლებში მოსწავლეები მონაწილეობდნენ ასფალტზე ხატვაში, კონკურსანტებმა, ასევე, გამოფინეს დედამიწის თემატიკაზე შესრულებული ნამუშევრები.

კონკურსში მონაწილე მოსწავლეებს სიგელები გადაეცათ.

შეგახსენებთ, დედამიწის დღე 1970 წლიდან ყოველწლიურად  გარემოს დაცვის მხარდასაჭერი მრავალფეროვანი ღონისძიებებით  22 აპრილს აღინიშნება.