ზოგადსაგანმანათლებლო სასწავლო პროგრამის ექსტერნატის ფორმით დაძლევის მსურველებს რეგისტრაციის ვადა 3-დან 10 თებერვლის ჩათვლით აქვთ, გამოცდები კი, 18 თებერვლიდან 2 მარტის ჩათვლით ჩატარდება.

გამოცდაზე გასვლის უფლება იმ პირებს აქვთ, რომლებიც გარკვეული მიზეზების გამო, ჩამოშორებული არიან სასწავლო პროცესს და არ აქვთ სრული ზოგადი განათლების დამადასტურებელი დოკუმენტი, ასევე, სკოლის მოსწავლეებს, რომელთა ასაკი აღემატება კანონმდებლობით განსაზღვრულ მინიმალურ ზღვარს, თუმცა, სასწავლო პროგრამის ექსტერნატის ფორმით დაძლევის სურვილი აქვთ.

ამასთან, მეთორმეტე კლასის ექსტერნატის წესით დაძლევის მსურველებს შესაძლებლობა ექნებათ, გამოცდები ჩააბარონ მიმდინარე წლის ივნისშიც. მათთვის რეგისტრაციის დამატებით ვადად 1-5 ივნისი განისაზღვრა,  გამოცდები კი, 15 ივნისიდან 24 ივნისის ჩათვლით ჩატარდება.