საზოგადოება
16.04.2023 10:31
მართლმადიდებელი სამყარო 16 აპრილს აღდგომის ბრწყინვალე დღესასწაულს აღნიშნავს
16 აპრილს, მართლმადიდებელი სამყარო მაცხოვრის აღდგომის ბრწყინვალე დღესასწაულს აღნიშნავს.
იერუსალიმის მაცხოვრის ტაძარში, დიდ შაბათს, 15 აპრილს, წმინდა ცეცხლის გადმოსვლა მორწმუნეებისთვის ქრისტეს აღდგომისა და უფლის მოწყალების ნიშანია.
წმინდა სახარების მიხედვით, უფალი იესო ქრისტე კაცობრიობის გადასარჩენად და ცოდვებისგან გამოსასყიდად განკაცდა, ჯვარს ეცვა და მესამე დღეს აღდგა. უფლის აღდგომით ადამიანისთვის სამოთხის კარი კვლავ გაიღო.
მორწმუნე ქრისტიანთათვის აღდგომა დღესასწაულთა დღესასწაული და ზეიმთა ზეიმია, აღმატებულია ყველა, თუნდაც საუფლო დღესასწაულზე.
მორწმუნე მრევლი მაცხოვრის აღდგომას ერთმანეთს ამგვარად ულოცავს:
- ქრისტე აღსდგა!
- ჭეშმარიტად აღსდგა!
