საქართველოს ჩემპიონატის უმაღლესი ლიგის მეორე ჯგუფის მორიგი ტურის მატჩში, გორის შოთა ჩოჩიშვილის სახელობის კომპლექსური სპორტული სკოლის ხელბურთელთა გუნდმა ახალგაზდრული ნაკრები ანგარიშით 38:33 დაამარცხა.მატჩის მიმდინარეობისას, მეტოქის კარში ყველაზე მეტი, 13 გოლი, თორნიკე გაგლოშვილმა გაიტანა, 8 გოლი გიორგი ახალბედაშვილის ანგარიშზეა, მოწინააღმდეგის კარში 6 გოლი გაიტანა ლაშა შემშენოვმაც, გუნდს 5 ქულა ნოდარ დალაქიშვილმა მოუტანა, ხოლო 3-3 გოლი ბექა გახოკიძემ და გიორგი თედიაშვილმა გაიტანეს.

„გორი“, რომელიც სრულად ადგილობრივი ხელბურთელებითაა დაკომპლექტებული, ამჟამად ჯგუფში პირველ პოზიციაზეა და უკვე გარანტირებული აქვს ფლეი-ოფში მოხვედრა. ფლეი-ოფი კი, გორელებს საშუალებას აძლევს უმაღლესი ლიგის პირველ ჯგუფში ადგილის მოსაპოვებლად იბრძოლონ.