უახლოესი დღეების განმავლობაში გორის მუნიციპალიტეტის ტერიტორიაზე ცვალებადი ამინდია მოსალოდნელი.

დღეს, მთელი დღის განმავლობაში, შენარჩუნდება ღრუბლიანობა მცირე ნალექით. რაც შეეხება ჰაერის ტემპერატურას, დღის მეორე ნახევარში დაიკლებს და მხოლოდ +1, +2 გრადუსი დაფიქსირდება.

დაბალი ტემპერატურა და ცვალებადი ღრუბლიანობაა მოსალოდნელი ხვალ მთელი დღის განმავლობაში. 13 საათამდე ჰაერის ტემპერატურა 0-დან +2 გრადუსამდეა მოსალოდნელი, ასევე, ნავარაუდევია ნალექი მცირე თოვლის სახით. დღის მეორე ნახევარში კი, 14 საათიდან, ღრუბლიანობას ნაწილობრივ მზიანი ამინდი შეცვლის და ტემპერატურაც +5 გრადუსამდე მოიმატებს.

მკვეთრად დაიკლებს ჰაერის ტემპერატურა 7 თებერვლიდან და სამი დღის განმავლობაში 7, 8, 9 თებერვალს, დღისით 0, +4 გრადუსამდე, ღამით კი, -2, -6 გრადუსია მოსალოდნელი. სინოპტიკოსების ცნობით, აღნიშნული სამი დღის განმავლობაში, გორის მუნიციპალიტეტის ტერიტორიაზე გაძლიერდება ქარიც  10-11 მ/წ. და მოსალოდნელია ნალექიც თოვლის სახით.