საზოგადოება
15.03.2023 14:52
პროექტი „რობო კლუბი“ დაიწყო - ახალგაზრდები რობოტექნოლოგიებს შეისწავლიან
გორის მუნიციპალიტეტის მერიისა და საქართველოს ინოვაციებისა და ტექნოლოგიების სააგენტოს შორის გაფორმებული მემორანდუმის საფუძველზე, პროექტი „რობო კლუბი“ დაიწყო.
ინიციატივის ფარგლებში, ახალგაზრდები, რომლებიც კონკურსის წესით შეირჩნენ, რობოტექნოლოგიის კურსს გაივლიან და შეისწავლიან: რობოტექნოლოგიის ინსტრუქციის კითხვას და დამოუკიდებლად გამოყენებას; რობოტის აწყობას; მოტორული უნარების დახვეწას და გუნდური მუშაობის პრინციპს.
ტრენინგი ტარდება კასპის ტექნოპარკში და მონაწილეები უზრუნველყოფილნი არიან ტრანსპორტით.
ორგანიზატორთა თქმით, 12-დღიანი სასწავლო კურსის დასრულების შემდეგ, ახალგაზრდებს შესაბამისი სერტიფიკატები გადაეცემათ.
