საზოგადოება
30.01.2020 11:48
გორში მომხდარი ავარიის შედეგად დაშავებული ახალგაზრდის მდგომარეობა კვლავ მძიმეა
გორში, კომბინატის დასახლებაში მომხდარი ავტოსაგზაო შემთხვევის დროს დაშავებული ახალგაზრდა, რომელსაც ქალა-ტვინის ტრავმა აღენიშნებოდა და ნეიროქირურგიული ოპერაცია გაუკეთდა, კვლავ რეანიმაციულ განყოფილებაში რჩება.
თავდაცვის სამინისტროს გორის სამხედრო ჰოსპიტალში აცხადებენ, რომ პაციენტის ჯანმრთელობის მდგომარეობა ამ დრომდე სტაბილურად მძიმეა.
ავტოსაგზაო შემთხვევა 28 იანვარს, საღამოს, გორი-ტინისხიდის გზაზე მოხდა. შემთხვევის შედეგად ავტომანქანის მძღოლი მძიმედ დაშავდა, არასრულწლოვანი მგზავრი კი, გორში მცხოვრები 16 წლის დათო წიკლაური, ადგილზე გარდაიცვალა.
