საქართველოს საავტომობილო გზების დეპარტამენტის ინფორმაციით, საერთაშორისო მნიშვნელობის მცხეთა-სტეფანწმინდა-ლარსის საავტომობილო გზის გუდაური-კობის მონაკვეთზე, ზვავსაშიშროების გამო, აიკრძალა ყველა სახის ავტოტრანსპორტის მოძრაობა.

რაც შეეხება მლეთა-გუდაურის მონაკვეთს, გარემოს ეროვნული სააგენტოს ცნობით, აღნიშნულ მონაკვეთზე ავტოტრანსპორტის მოძრაობა განხორციელდება გაუჩერებლად გავლის რეჟიმში.