სასოფლო-სამეურნეო კოოპერატივებს შესაძლებლობა ექნებათ, ტექნიკის შეძენად სახელმწიფოს მხრიდან თანადაფინანსება მიიღონ.

როგორც სოფლის განვითარების სააგენტოში აცხადებენ, თანადაფინანსების მოცულობა  ტექნიკის ღირებულების არაუმეტეს 50%-ს, მაქსიმუმ 100 000 ლარს შეადგენს.

„თუ წარმოადგენთ სასოფლო-სამეურნეო კოოპერატივს, შესაძლებლობა გაქვთ, სასოფლო-სამეურნეო ტექნიკის შეძენის შემთხვევაში  სახელმწიფო თანადაფინანსება მიიღოთ.

პროგრამაში მონაწილეობის მისაღებად, სასოფლო-სამეურნეო კოოპერატივის მეპაიეთა რაოდენობა არანაკლებ 10 წევრს უნდა შეადგენდეს.

სასოფლო-სამეურნეო კოოპერატივის ან მისი 10 მეპაიის საკუთრებაში არსებული მიწის ნაკვეთის ჯამური ფართობი კი უნდა იყოს არანაკლებ 20 ჰა. და მდებარეობდეს ერთ ადმინისტრაციულ ერთეულში. რაც შეეხება პროგრამის მიზანს, სასოფლო-სამეურნეო კოოპერაციის ხელშეწყობა და მათთვის სასოფლო-სამეურნეო ტექნიკაზე ხელმისაწვდომობის გაზრდაა“, - აცხადებენ სოფლის განვითარების სააგენტოში.

პროგრამაში განაცხადების მიღება  6 მარტს, 12:00 სთ-ზე დაიწყება.