საქართველოს გასტრონომიის ასოციაციის ინიციატივით, 2019 წლიდან, 27 თებერვალი ხაჭაპურის ეროვნულ დღედ არის გამოცხადებული.

2018 წელს ჩატარებული კვლევის მიხედვით, საქართველოში 50-მდე სახეობის ხაჭაპური არსებობს. სხვადასხვა კუთხეში ტრადიციად დამკვიდრებული ხაჭაპური განსხვავებულია მომზადების წესით.

კვლევებით, ხაჭაპურის წარმოშობის ადგილი ერთმნიშვნელოვნად არ დასტურდება,  მისი წარმოშობისთვის თანაბარი პირობები არსებობდა როგორც აღმოსავლეთ, ასევე დასავლეთ საქართველოში.

შეგახსენებთ, 2019 წლის 22 იანვარს, ხაჭაპურს არამატერიალური კულტურული მემკვიდრეობის ძეგლის სტატუსი მიენიჭა.