გორში, მსოფლიოსა და ევროპის ჩემპიონის გიორგი ხინჩეგაშვილის ხსოვნისადმი მიძღვნილი ტურნირი გაიმართება.

თავისუფალ ჭიდაობაში ჭაბუკებს (2008-2009 წწ.) შორის შეჯიბრს გორის სპორტის სასახლე 4 და 5 მარტს უმასპინძლებს.

ტურნირში მონაწილეობას მიიღებენ სპორტსმენები (გოგონები და ვაჟები) საქართველოს სხვადასხვა ქალაქიდან.

გამარჯვებულები 10 წონით კატეგორიაში გამოვლინდებიან. მათ, თასები, მედლები, სიგელები და ფულადი ჯილდოები გადაეცემათ.

დაჯილდოვდებიან, ასევე იმ ქალაქების გუნდები, რომლებიც საპრიზო ადგილებს დაიკავებენ.

ტურნირი გორის მუნიციპალიტეტის მერიის და გორის მუნიციპალიტეტის სპორტის განვითარების ხელშეწყობის სააგენტოს ორგანიზებით ტარდება.