გორის მუნიციპალიტეტის მერმა ვლადიმერ ხინჩეგაშვილმა თავისუფალ ჭიდაობაში საქართველოს 23 წლამდელთა ჩემპიონატის გამარჯვებულები დააჯილდოვა.

შეჯიბრებაზე ყველაზე მეტი მედალი გორელმა სპორტსმენებმა მოიპოვეს. მათ ჯამში 12 მედალი - 5 ოქრო, 3 ვერცხლი და 4 ბრინჯაო ერგოთ.

ტურნირის შედეგების გათვალისწინებით დაკომპლექტდება საქართველოს ნაკრები, რომლის წევრებიც 23 წლამდელთა ევროპისა და მსოფლიოს ჩემპიონატებზე მიიღებენ მონაწილეობას.