საზოგადოება
08.02.2023 13:45
გორში დავით აღმაშენებლის ხსენების დღისადმი მიძღვნილი კვირეული იწყება
გორის მუნიციპალიტეტის კულტურისა და ტურიზმის განვითარების სააგენტოს ახალგაზრდობისა და კულტურის განყოფილება დღეიდან, დავით აღმაშენებლის ხსენების დღისადმი მიძღვნილ კვირეულს იწყებს.
საგანმანათლებლო პროექტის ფარგლებში არაერთი აქტივობა იგეგმება.
კვირეული, 16:00 საათზე ბავშვთა და ახალგაზრდობის ცენტრში სემინარით - „დავით აღმაშენებლის ეპოქის მიმოხილვა“ გაიხსნება. ასევე, მოეწყობა თემატური ნახატების გამოფენა და ისტორიის მოყვარულთა კონკურსი.
„ისტორიის მოყვარულთა კონკურსში მონაწილეობის მიღება შეუძლიათ საჯარო და კერძო სკოლების IX – XII კლასის მოსწავლეებს. კონკურსის შესარჩევი ტურის ტესტირება 10 თებერვალს,15:00 საათზე გორის N7 საჯარო სკოლაში გაიმართება.
რაც შეეხება ნახატების გამოფენა-კონკურსს, მასში მონაწილეობა შეუძლიათ საჯარო და კერძო სკოლების V -XII კლასის მოსწავლეებს. ნახატების წარდგენის ბოლო ვადა 20 თებერვალია (მისამართი.: გორი, მშვიდობის გამზირი N12ა). 16 თებერვალს, 12:00 საათზე კი, ბავშვთა და ახალგაზრდობის ცენტრში (სუხიშვილის ქ. 20) ისტორიის მოყვარულთა კონკურსის ფინალური ტურის ტესტირება ჩატარდება.
კონკურსებში გამოვლინდება სამ-სამი გამარჯვებული მოსწავლე, რომლებიც დაჯილდოვდებიან სიგელებით და საჩუქრებით“, - ნათქვამია სააგენტოს მიერ გავრცელებულ ინფორმაციაში.
დაინტერესებულ პირებს დამატებითი ინფორმაციის მიღება შეუძლიათ ნომერზე: 599 11 69 29
