თურქეთის კატასტროფების სააგენტოს ინფორმაციით, თურქეთში, დღეს დილით მომხდარი ძლიერი მიწისძვრის შედეგად დაღუპულთა რაოდენობამ 80-ს გადააჭარბა.

დაშავებულია 500-მდე ადამიანი.

მიწისძვრის ძლიერი ბიძგები გავრცელდა სირიის ტერიტორიაზეც, სადაც ალეპოში, ჰამასა და ლატაკიაში მიწისძვრის შედეგად 40-ზე მეტი ადამიანი დაიღუპა და 200-ზე მეტი დაშავდა.

თურქეთსა და სირიაში ამ წუთებშიც გრძელდება შენობების ნანგრევებიდან ადამიანების გამოსაყვანად სამაშველო ოპერაციები.

არსებული ინფორმაციით, დაღუპულთა და დაშავებულთა რაოდენობა გაიზრდება.