საქართველოს პარლამენტის ეროვნულმა ბიბლიოთეკამ გორის მუნიციპალიტეტის ორი სოფლის - შავშვებისა და არბოს საჯარო სკოლების მოსწავლეებს საჩუქრად წიგნები და კომპიუტერები გადასცა. აღნიშნულთან დაკავშირებით, ეროვნული ბიბლიოთეკის ხელმძღვანელი, გიორგი კეკელიძე სოციალურ ქსელში წერს: „დიდი ამბები გრძელდება: გორის რაიონი, სოფლები - შავშვები და არბო. ასობით ახალი წიგნი, კომპიუტერები და პრინტერები, და ეს ყველაფერი ჩვენი ახალი პარტნიორების დახმარებით - პარლამენტის სტაჟიორებმა შეიმუშავეს სოციალური პროექტი - „ინკუნაბულა“, სწორედ მათი დახმარებით და მათთან ერთად ვესტუმრეთ ამ შესანიშნავ ბავშვებს“, - წერს გიორგი კეკელიძე.