გორში, სულხან საბას ქუჩის რეაბილიტაცია იგეგმება. პროექტით გათვალისწინებული სამუშაოების შესყიდვის მიზნით, გორის მუნიციპალიტეტის მერიამ უკვე გამოაცხადა ტენდერი. შესყიდვის სავარაუდო ღირებულება 519 745 ლარია, ქუჩის სიგრძე კი - 689 მეტრი.
პროექტის მიხედვით, ტრანსპორტის სავალ ნაწილზე დაიგება ასფალტის საფარი, მოეწყობა ტროტუარები, ამავდროულად, გათვალისწინებულია ეზოში შესასვლელების და მიერთებების კეთილმოწყობაც.