კონფლიქტები
16.01.2023 12:19
ინციდენტების პრევენციისა და მათზე რეაგირების მექანიზმის ფარგლებში რიგით 110-ე შეხვედრა ერგნეთში ხვალ გაიმართება
გამყოფ ხაზთან მდებარე სოფელ ერგნეთში, ინციდენტების პრევენციისა და მათზე რეაგირების მექანიზმის ფარგლებში, 17 იანვარს რიგით 110-ე შეხვედრა გაიმართება.
წინასწარი ინფორმაციით, საქართველოს ცენტრალური ხელისუფლების წარმომადგენლები გამყოფ ხაზთან ბოლო პერიოდში დაფიქსირებულ ინციდენტებს, განხორციელებულ დესტრუქციულ ქმედებებებსა და საქართველოს მოქალაქეების უკანონოდ დაკავების ფაქტებს გააპროტესტებენ. ასევე, არსებული ინფორმაციით, განსახილველი საკითხები შეეხება იმ ჰუმანიტარულ მიმართულებებსაც, რაც მნიშვნელოვანია საოკუპაციო ხაზის ორივე მხარეს მცხოვრები მოსახლეობისთვის.
