გორის მუნიციპალიტეტის მერიამ საგზაო ინფრასტრუქტურის მოწყობის მიზნით ხუთი ტენდერი გამოაცხადა.

როგორც ადგილობრივ თვითმმართველობაში აცხადებენ, ამ ეტაპზე, პროექტით გათვალისწინებული სამუშაოების შესყიდვა მიმდინარეობს.

„გორის მაცნე“ გაგაცნობთ სოფლების ჩამონათვალს, სადაც სარეაბილიტაციო სამუშაოები განხორციელდება:   

ახალდაბაში შიდა საუბნო გზის რეაბილიტაცია -  სარეაბილიტაციო მონაკვეთის სიგრძეა 1 329 მეტრი, პროექტის სავარაუდო ღირებულებაა  860 355 ლარი;

ფხვენისისა და ქვემო ხვითის დამაკავშირებელი გზის რეაბილიტაცია - მონაკვეთის სიგრძე 1 582 მ, პროექტის სავარაუდო ღირებულებაა 624 070 ლარი;

ქვახვრელში ცენტრალურ გზიდან სასაფლაომდე მისასვლელი გზის რეაბილიტაცია - მონაკვეთის სიგრძეა 1 708 მეტრი, პროექტის სავარაუდო ღირებულებაა 760 270 ლარი;

ტინისხიდში შიდა საუბნო გზის რეაბილიტაცია - მონაკვეთის სიგრძეა 1 487 მეტრი, პროექტის სავარაუდო ღირებულებაა 589 870 ლარი;

ავტობანიდან სობისამდე მისასვლელი გზის რეაბილიტაცია -  მონაკვეთის სიგრძეა 6 633 მეტრი, პროექტის სავარაუდო ღირებულება კი 4 216 125 ლარია.