კონფლიქტები
21.01.2020 14:56
გუგუტიანთკარში ევროკავშირის სადამკვირვებლო მისიის წარმომადგენლები ჩავიდნენ
სოფელ გუგტიანთკარში, საოკუპაციო ხაზთან, ევროკავშირის სადამკვირვებლო მისიის მონიტორები ჩავიდნენ. მისიის წარმომადგენლები საოკუპაციო ხაზის პერიმეტრზე არსებულ ვითარებას ადგილზე ეცნობიან. გუგტიანთკარში EUMM-ის ჯგუფის ჩასვლამდე, სახელმწიფო უსაფრთხოების სამსახურის ხელმძღანელი სამხრეთ კავკასიასა და საქართველოში კრიზისის საკითხებში, ევროკავშირის სპეციალურ წარმომადგენელს და ჟენევის საერთაშირისო დისკუსიების თანათავმჯდომარეს - ტოივო კლაარს შეხვდა.
შეხვედრაზე ყურადღება გამახვილდა ოკუპირებულ ტერიტორიებსა და საოკუპაციო ხაზის გასწვრივ შექმნილი ვითარებაზე, ასევე, უსაფრთხოების სფეროში არსებულ გამოწვევებზე.
სოფელ გუგუტიანთკართან საოკუპაციო ძალების წარმომადგენლებმა გუშინ ლითონის ბოძების მონტაჟი განახორციელეს, თუმცა, დღეს, ე.წ. მესაზღვრეები არ გამოჩენილან და არც სამუშაოები განუახლებიათ.
