2023 წლიდან დაბადებულ ყოველ მესამე და მომდევნო ახალშობილზე ერთჯერადი დახმარება 1000 ლარის ოდენობით გაიცემა, იცვლება დეკრეტული შვებულების ანაზღაურების წესიც.

მთავრობის ადმინისტრაციის ინფორმაციით, კერძო სექტორში დასაქმებულებისთვის დეკრეტული შვებულების პერიოდში ანაზღაურება გაორმაგდება და 2000 ლარი გახდება. აღნიშნული მიმართულებით, სიახლეა პედაგოგებისთვისაც. მომდევნო წლიდან სკოლის მასწავლებლები დეკრეტული შვებულებით სარგებლობის დროს სრულ ანაზღაურებას მიიღებენ.