საზოგადოება
27.12.2022 12:32
2022 წელს შიდა ქართლში აშენდა 2 და რეაბილიტაცია ჩაუტარდა 12 საჯარო სკოლას
ადგილობრივი ხელისუფლების ინფორმაციით, გასული წლის განმავლობაში, შიდა ქართლში საგანმანათლებლო ინფრასტრუქტურის განვითარება აქტიურად მიმდინარეობდა.
„2022 წელს, რეგიონში, საქართველოს რეგიონული განვითარებისა და ინფრასტრუქტურის სამინისტროს, მუნიციპალური განვითარების ფონდის და განათლების სამინისტროს დაფინანსებით აშენდა 2 და რეაბილიტაცია ჩაუტარდა 12 საჯარო სკოლას.
ამჟამად კი, მინდინარეობს გორის №11 საჯარო სკოლის მშენებლობა და სოფელ მეჯვრისხევის საჯარო სკოლის რეაბილიტაცია“, - ნათქვამია შიდა ქართლის სამხარეო ადმინისტრაციის მიერ გავრცელებულ ინფორმაციაში.
