პროექტი „ბედნიერი ახალი წელი“ გორის მუნიციპალიტეტში დაიწყო. თოვლის ბაბუა და ზღაპრის გმირები სოფლებისკენ უკვე გაემართნენ.

ადგილობრივი თვითმმართველობის ინფორმაციით, საახალწლო განწყობის შესაქმნელად და ტკბილეულის დასარიგებლად სპეციალურად მორთული მანქანები სოფლებს - კარალეთს, ტყვიავს, ძევერას, შერთულს, ფლავს, მარანას და ფლავისმანს უკვე სტუმრობდენ.

დღეს, 26 დეკემბერს კი,  გორის მუნიციპალიტეტის მერია და სადღესასწაულო ცენტრი „დისნეი“ დამდეგ შობა-ახალ წელს შემდეგ სოფლებში - არბოში, დიცში, ქორდში, კარბსა და მერეთში მცხოვრებ პატარებს მიულოცავს.

„გორის მაცნე“ გთავაზობთ განრიგს, სად და როდის ეწვევა თოვლის ბაბუა და ზღაპრიოს გმირები თქვენს სოფელს.

27 დეკემბერი - ბერბუკი, რეხა;

28 დეკემბერი - თორტიზა, სვენეთი;

29 დეკემბერი - ხელთუბანი, ახრისი;

30 დეკემბერი - მეჯვრისხევი, ზერტი, კვარხეთი;

31 დეკემბერი - ახალშენი, ბერშუეთი;

4 იანვარი - ზემო სობისი, ზეღდულეთი;

5 იანვარი - კირბალი, ქვემო ახალსოფელი, ქვემო სობისი;

6 იანვარი - დიდი გორიჯვარი, პატარა გორიჯვარი;

7 იანვარი - ელექტროფიკაცია, სკრა;

8 იანვარი - ხიდისთავი, ატენი;

9 იანვარი - უფლისციხე, ქვახვრელი;

10 იანვარი - შავშვები, ხურვალეთი;

11 იანვარი - ნადარბაზევი, ნაწრეტი;

12 იანვარი - წითელუბანი, ქვემო შავშვები;

13 იანვარი - ორთაშენი, თედოწმინდა;

14 იანვარი - ვარიანი, საქაშეთი, შინდისი, ფხვენისი, ხვითი, ნიქოზი.

პროექტს „ბედნიერი ახალი წელი“ გორის მერია თანადაფინანსების ფარგლებში ახორციელებს.