სადღესასწაულო საგანმანათლებლო პროექტის - „ზღაპრული თავგადასავალი ნაძვის ხესთან“ ფარგლებში, გორის ისტორიულ-ეთნოგრაფიულ მუზეუმში I-V კლასის მოსწავლეებისთვის მუსიკალურ ზღაპრის ჩვენება გაიმართება (პ. ჩაიკოვსკის ბალეტის „მაკნატუნა“ შემოკლებული ვარიანტი).

გორის მუნიციპალიტეტის კულტურისა და ტურიზმის სააგენტოს ინფორმაციით, ღონისძიების ფარგლებში ბავშვები გაეცნობიან შობა-ახალი წლის ტრადიციებს, დაათვალიერებენ მუზეუმის სივრცეებს და პრაქტიკულ სამუშაოში ჩაერთვებიან (დახატავენ ზღაპრის პერსონაჟებს).

სადღესასწაულო პროექტს გორის მუნიციპალიტეტის კულტურისა და ტურიზმის გავნითარების ხელშეწყობის სააგენტოს ს. მაკალათიას სახელობის ისტორიულ-ეთნოგრაფიული მუზეუმი ახორციელებს.

დამატებითი ინფორმაციისთვის უნდა დარეკოთ ტელეფონის ნომრებზე: 599 22 39 97. 599 22 59 50.