გორის სპორტის სასახლე ფრენბურთში რამდენიმე ღონისძიებას უმასპინძლებს.

გორის მუნიციპალიტეტის სპორტის განვითარებისა და ხელშეწყობის სააგენტოს ინფორმაციით, 30 ნოემბერს დასრულდება 2022-2023 წწ. გათამაშების უმაღლესი ლიგის დასავლეთის ზონის პირველი ტური.

1-დან 7 დეკემბრამდე კი ევროპის ზონალური პირველობა ჩატარდება, რომელშიც, საქართველოს ნაკრებთან ერთად, უკრაინის, პოლონეთის, აზერბაიჯანის, ლატვიის და ესტონეთის გუნდები იასპარეზებენ. საქართველოს ნაკრებში გორელი ფრენბურთელი დავით კოკოშვილიც ირიცხება.

7 დეკემბრიდან გაიმართება 2022-2023 წწ. სეზონის მატჩები, სადაც გორის შოთა ჩოჩიშვილის სახელობის კომპლექსური სპორტული სკოლის ბაზაზე დაკომპლექტებულ ვაჟ ფრენბურთელთა გუნდთან ერთად, ცაგერი, სამტრედია, ქუთაისი, ბათუმი, ყვარელი, სტუ და KSW იასპარეზებენ.