საზოგადოება
24.11.2022 12:04
ახალი ბაზრისა და ავტოსადგურის მიმდებარედ ასფალტის საფარის მოწყობის სამუშაოები მიმდინარეობს
საგზაო ინფრასტრუქტურის მოწყობა გორში აქტიურ რეჟიმში მიმდინარეობს.
ამ დროისთვის, წმინდაწყლის დასახლებაში, ცხინვალის გზატკეცილზე, ახალი ბაზრისა და ავტოსადგურის მიმდებარედ, ასფალტის საფარის მოწყობის სამუშაოები მიმდინარეობს.
სარეაბილიტაციო მონაკვეთის სიგრძე 740 მეტრია და პაპიტაშვილის ქუჩიდან კარალეთის დევნილთა ჩასახლებამდე არსებული გზის პერიმეტრის კეთილმოწყობას ითვალისწინებს.
როგორც ადგილობრივ თვითმმართველობაში აცხადებენ, სამუშაოები მოსახლეობის თხოვნით ხორციელდება.
პროექტის დასრულების შემდეგ, მძღოლებს, გადაადგილებისას, დაზიანებული გზის საფარით გამოწვეული პრობლემები აღარ შეაწუხებთ.
