საზოგადოება
22.11.2022 11:07
წარმატებულ სტუდენტებს გორის მუნიციპალიტეტის მერიისგან 500-ლარიანი ვაუჩერები გადაეცათ
2022 წლის ეროვნულ გამოცდებში 100 %-იანი გრანტის მფლობელ სტუდენტებს გორის მუნიციპალიტეტის მერიისგან 500-ლარიანი ვაუჩერები გადაეცათ.
ადგილობრივი თვითმმართველობის ინფორმაციით, აღნიშნული ჯილდო 39-მა ახალგაზრდამ მიიღო.
წარმატებულ სტუდენტებთან შეხვედრა გორის ტურისტულ ცენტრში გაიმართა. ღონისძიებას გორის მერი, შიდა ქართლის სამხარეო ადმინისტრაციის, საკრებულოს და ადგილობრივი ხელისუფლების სხვა წარმომადგენლები ესწრებოდნენ.
ახალგაზრდების წახალისების მიზნით, 100 %-იანი გრანტის მქონე სტუდენტების დაჯილდოების პროგრამას გორის მუნიციპალიტეტის მერია უკვე რამდენიმე წელია ახორციელებს.
