საზოგადოება
21.11.2022 13:58
გორის მუნიციპალიტეტის მერის სამოქალაქო მრჩეველთა საბჭომ მორიგი სხდომა გამართა
გორის მერის სამოქალაქო მრჩეველთა საბჭოს მორიგი სხდომა გაიმართა. საბჭოს წევრებმა, მუნიციპალიტეტის მერთან, ვლადიმერ ხინჩეგაშვილთან ერთად მნიშვნელოვანი საკითხები განიხილეს. სხდომას ასევე ესწრებოდნენ პასუხისმგებელი პირები გორის მუნიციპალიტეტის საბიუჯეტო და ინფრასტრუქტურის განყოფილებიდან - დალი ტლაშაძე, გიგა ბერიძე და გუჯა გეგელაშვილი.
„გორის მაცნეს“ ინფორმაციით, დღის წესრიგით გათვალისწინებული იყო შემდეგი საკითხებზე მსჯელობა: გორის მუნიციპალიტეტის 2023 წლის ბიუჯეტის პრიორიტეტული მიმართულებების განხილვა; გორის მიწათსარგებლობის გენერალური გეგმის დამტკიცების მიმდინარე პროცესები; კულტურისა და დასვენების პარკი "ახალბაღის" მიმდინარე მდგომარეობის განხილვა; მუნიციპალური ტრანსპორტის ეფექტური მუშაობის გაზრდის მიზნით რეკომენდაციების განხილვა; ქალაქის ქუჩების სახელდების შესახებ მოძიებული ინფორმაციის ანალიზი და სანიაღვრე არხების გაწმენდის და ნაგავსაყრელების საკითხი;
შეხვედრაზე, ასევე, განიხილეს წინა სხდომებზე მიწოდებული რეკომენდაციების საკითხი. როგორც გორის მერიაში აცხადებენ, შეთავაზებული ინიციატივებიდან უმრავლესობა უკვე განხორციელდა ან შესრულების პროცესშია.
