მსოფლიო მართლმადიდებელი ეკლესია დღეს მთავარანგელოზობას აღნიშნავს.

21 ნოემბერს, მთავარანგელოზობის დღესასწაულზე, წმინდა მთავარანგელოზების, მიქაელის და სხვათა უხორცოთა ძალთა: გაბრიელის, რაფაელის, ურიელის, სელაფიელის, ეგუდიელის, ვარახიელისა და იერომიელის ხსენებას აღნიშნავენ.

აღნიშნული დღესასწაულის აღნიშვნა გადაწყდა ლაოდიკიის ადგილობრივ კრებაზე, რომელიც IV საუკუნის დასაწყისში, ნიკეის I მსოფლიო კრებამდე რამდენიმე წლით ადრე გაიმართა. კრებამ ანგელოზებისადმი ღვთიური პატივის მიგება დაგმო და მათი მართლმადიდებლური თაყვანისცემა დააწესა. ანგელოზთა დასი სამ იერარქიად იყოფა,  უმაღლეს იერარქიას სერაფიმნი, ქერუბიმნი და საყდარნი შეადგენენ.