საზოგადოება
18.11.2022 10:41
სადგურის დასახლებაში სასაფლაოსთან მისასვლელი გზის რეაბილიტაცია მიმდინარეობს
რკინიგზის სადგურის დასახლებაში სასაფლაოსთან მისასვლელი გზის რეაბილიტაცია მიმდინარეობს.
225 მეტრი სიგრძის სარეაბილიტაციო მონაკვეთი დამრეც რელიეფზე გადის. პროექტის მიხედვით, ტრანსპორტის სავალ ნაწილზე ბეტონის საფარი დაიგება.
„ინფრასტრუქტურული პროექტის მიხედვით, იგეგმება ასევე მიერთებების, ბეტონის ბორდიურების, სანიაღვრე ჭრილის, გაბიონის საყრდენი კედლის და მანქანების სადგომის მოწყობა.
გზის აღნიშნულ მონაკვეთს, რომელიც მთლიანად გრუნტისაა და ნალექის დროს თითქმის გაუვალი ხდებოდა, მსგავსი სახის სარეაბილიტაციო სამუშაოები არასდროს ჩატარებია.
პროექტის დასრულების შემდეგ, დაზიანებული გზის საფარით გამოწვეული პრობლემები მძღოლებს და ქვეითებს აღარ შეაწუხებთ“, - აღნიშნავენ მერიაში.
