გიორგი ერისთავის სახელობის დრამატულ თეატრში მორიგი პრემიერისთვის ემზადებიან. 12, 13 და 26 ნოემბერს მაყურებელი გორის თეატრის სცენაზე გიორგი ერისთავის ამავე სახელწოდების პიესის მიხედვით დადგმულ სპექტაკლს - „უჩინმაჩინის ქუდი“ იხილავს.

თანამედროვე რეჟისორის ნიკოლოზ ჰაინე-შველიძის სპექტაკლში მარი არღუთაშვილი, კახა ბერიძე, გიორგი გოგუაძე, კობა კოპაძე, ქეთი ლუარსაბიშვილი, სოსო მგალობლიშვილი, მაკა შალიკაშვილი, გიორგი ჩოჩნიძე და ზაზა ცარულაშვილი მონაწილეობენ.

წარმოდგენა 19:00 საათზე დაიწყება.

თეატრის ადმინისტრაციის გავრცელებული ინფორმაციით, გორის თეატრში დაგეგმილ პრემიერამდე, „უჩინმაჩინის ქუდს“ მაყურებელი დღეს, 7 ნოემბერს, რუსთავის თეატრში, კომედიის ფესტივალზე  იხილავს.