ბიოწარმოების ხელშეწყობის პროგრამის ფარგლებში, ფერმერებს არაბიომეურნეობიდან ბიომეურნეობაზე გადასვლის ხარჯები აუნაზღაურდებათ.

როგორც სოფლის განვითარების სააგენტოში აცხადებენ, ბიოწარმოების ხელშეწყობის პროგრამა ითვალისწინებს კონვერსიის პერიოდში გაწეული ხარჯების ანაზღაურებას შემდეგი მიმართულებებით:

პირველი მიმართულება: საკონსულტაციო მომსახურეობა; თაფლისა და ცვილის ლაბორატორიული ანალიზის მომსახურება; ბიოსერტიფიცირება - ანაზღაურება 70%, არაუმეტეს 7 000 ლარი. დონორი ორგანიზაციიდან მიღებული დაფინანსების შემთხვევაში 40%, არაუმეტეს 4,000 ლარი.

მეორე მიმართულება: მევენახეობის შემთხვევაში, ორგანულ მეურნეობაში დაშვებული ორგანული სასუქების ან/და მავნებლებისა და დაავადებების წინააღმდეგ გამოსაყენებელი ბიოპრეპარატები - ანაზღაურება (1ჰა-ზე გადაანგარიშებით) 70%, არაუმეტეს 5,100 ლარი. დონორი ორგანიზაციიდან მიღებული დაფინანსების შემთხვევაში 40%, არაუმეტეს 2,900 ლარი.

მეფუტკრეობის შემთხვევაში, ფუტკრის ბიოპრეპარატებისა და

ბიოფიჭის შეძენა - ანაზღაურება 1 სკაზე არაუმეტეს 50 ლარი (არაუმეტეს 5 100 ლარი). დონორი ორგანიზაციიდან მიღებული დაფინანსების შემთხვევაში 40%, არაუმეტეს 2,900 ლარი

„აღნიშნულ პროგრამებში/პროექტებში მონაწილეობის მსურველებმა განაცხადები უნდა წარმოადგინონ მხოლოდ ქართულ ენაზე. შევსებული განაცხადის ფორმა წარმოსადგენ დოკუმენტაციასთან ერთად უნდა გამოაგზავნოთ სააგენტოს ელექტრონული ფოსტის მისამართზე: document@rda. gov. ge ან, წარუდგინოთ ადმინისტრაციული დეპარტამენტის საქმისწარმოების სამსახურის თანამშრომელს ან/და რეგიონებთან ურთიერთობის დეპარტამენტის შესაბამისი რეგიონული სამსახურის თანამშრომელს მატერიალური სახით“, - აცხადებენ სააგენტოში.