კონფლიქტები
19.10.2022 12:43
ბერშუეთის მიმდებარე ტერიტიტორიაზე საოკუპაციო ძალების წარმომადგენლებმა მამაკაცი დააკავეს
გამყოფ ხაზთან მდებარე სოფელ ბერშუეთის მიმდებარე ტერიტორიაზე, საოკუპაციო ძალების წარმომადგენლებმა ბერშუეთის მკვიდრი, 1965 წელს დაბადებული თამაზ გლურჯიძე დააკავეს.
არსებული ინფორმაციით, დაკავებული ცხინვალის მილიციის იზოლატორშია გადაყვანილი.
დაკავებულის ახლობლების ინფორმაციით, გლურჯიძე ერთ-ერთ თანასოფლელთან სტუმრად იმყოფებოდა, აღნიშნული ოჯახის დატოვების შემდეგ კი შინ აღარ დაბრუნებულა. მოგვიანებით, გლურჯიძე ოჯახის წევრებს ტელეფონით დაუკავშირდა და შეატყობინა, რომ საოკუპაციო ძალების წარმომადგენლებმა დააკავეს და ცხინვალში, იზოლატორში გადაიყვანეს.
