საქართველოს მასშტაბით, 9-დან 15 აქტომბრამდე დაგეგმილი ღვინის ფესტივალის  „ღვინის დღეები საქართველოში“ ფარგლებში, 10 ოქტომბერს, გორის ცენტრში, შადრევნის სკვერში, მასშტაბური ღონისძიება გაიმართება.

საფესტივალო ტერიტორიებზე გაეცნობით და დააგემოვნებთ მრავალფეროვან ქართულ ღვინოს, ეზიარებით 8000-წლიან უწყვეტ ტრადიციას, დაათვალიერებთ ღვინის მარნებს, მონაწილეობას მიიღებთ გასართობ ღონისძიებებში.

გორის მუნიციპალიტეტის მერია ღონისძიების პროგრამის შესახებ ინფორმაციას ავრცელებს:

15:00–20:00 ქართული ღვინის დეგუსტაცია და გამოფენა-გაყიდვა.

15:00–20:00 კვების სივრცე: დედას პური, მწვადი, ყველი, თაფლი, ტყლაპი, ჩურჩხელა; ადგილობრივი მზარეულებისა და მოწვეული შეფის მიერ მომზადებული ტრადიციული კერძების დაგემოვნება.

15:00–18:00 მასტერკლასები: პურის ცხობა; ჩურჩხელების ამოვლება; ჭაჭის გამოხდა; ფელამუშის მომზადება.

15:00–18:00 თიხის მასტერკლასები.

15:30–16:00 კოსტიუმირებული მუსიკოსები გუდასტვირებით.

16:00–19:00 ცეკვის მასტერკლასები.

15:00–20:00 ექსკურსიები მარნებში.

15:00–19:00 მუსიკალური პროგრამა - ჯაზური კომპოზიციები და დიჯეი.

15:00–18:00 ინტერაქტიული საექსპოზიციო სივრცე - „უძველესი სასმისები“.

16:30–17:30 შეფ დიმიტრი შარაშიძისა და სომელიე ნიკა ხომასურიძის შოუ - ღვინისა და კერძების შეხამება.

18:00–18:30 ქართული სუფრა და გუდასტვირი.

19:00–20:00 მუსიკალური კომპოზიციები - ინსტრუმენტი - საქსაფონი.

20:00 კონცერტი - თბილისის ბიგბენდი - მარიკო ებრალიძე, მაია ბარათაშვილი, ნესტან ჯიბლაძე, ნინო გველესიანი, თემო საჯაია, გიორგი სუხიტაშვილი, ზაურ შავგულიძე.

ცნობისთვის, საქართველოს პრემიერ-მინისტრის ინიციატივით, 9-დან 15 ოქტომბრამდე, მთელი საქართველოს მასშტაბით აღინიშნება ახალი, ყოველწლიური ფესტივალი „ღვინის დღეები საქართველოში“.