სპორტი
03.10.2022 12:35
გორელი მოკრივე ლევან დემუროვი ევროპის ჩემპიონატიდან ბრინჯაოს მედლით ბრუნდება
გორელი მოკრივე ლევან დემუროვი (54 კგ.) ევროპის ჩემპიონატზე ჭაბუკთა შორის ბრინჯაოს მედლის მფლობელი გახდა.
იტალიის ქალაქ მონტესლივანოში მიმდინარე კონტინენტის ჩემპიონატზე, ლევანმა პოლონელი, უნგრელი და ბერძენი მეტოქეები დაამარცხა, ნახევარფინალში, სამწუხაროდ, აზერბაიჯანელ მოწინააღმდეგესთან დამარცხდა, თუმცა, ბრინჯაოს მედალს დაეუფლა.
დემუროვი, გორის ავთანდილ შოშიაშვილის სახელობის კრივის სპეციალიზებული სკოლის აღზრდილია, მისი პირადი მწვრთნელი ავთანდილ შოშიაშვილია.
საქართველოს ჭაბუკთა ნაკრებს, რომელსაც ასევე გორელი მწვრთნელი ბექა ლობჟანიძე ხელმძღვანელობს, ნახევარფინალში კიდევ სამი მოკრივე ჰყავს.
