საზოგადოება
27.09.2022 12:57
გორიჯვრის ეკლესიის მიმდებარე ტერიტორიაზე სარეკრეაციო სივრცე მოეწყობა
გორის ერთ-ერთი ღირსშესანიშნაობის - გორიჯვრის ეკლესიის მიმდებარე ტერიტორიაზე სარეკრეაციო სივრცე მოეწყობა. ე. წ. „კაკლების“ ტერიტორიაზე მაგიდები, სკამები, ფანჩატური, საცეცხლური და ა. შ. განთავსდება, ასევე მოპირკეთდება წყარო.
როგორც ადგილობრივ თვითმმართველობაში აცხადებენ, ახალი ტურისტული ინფრასტრუქტურის მოწყობა მიზნად ისახავს გორიჯვრის ეკლესიის მიმდებარე ტყეში ეკოლოგიური მდგომარეობის გაუმჯობესებას და ტურიზმის განვითარებას.
აღნიშნული ინფრასტრუქტურის განვითარების მიზნით, გორის მერიამ ტენდერი უკვე გამოაცხადა. პროექტის მიხედვით, შესყიდვის სავარაუდო ღირებულება 121 790 ლარია.
