კულტურა
26.09.2022 15:18
გორის თეატრი საერთაშორისო თეატრალურ ფესტივალში მიიღებს მონაწილეობას
გიორგი ერისთავის სახელობის გორის პროფესიული სახელმწიფო დრამატული თეატრი თბილისის საერთაშორისო თეატრალურ ფესტივალზე გაემგზავრება.
თეატრის დასი 28 სექტემბერს სპექტაკლით - „ვაჟიშვილი“ წარსდგება მაყურებლის წინაშე. წარმოდგენა რუსთაველის ეროვნულ თეატრში 16:00 საათზე დაიწყება.
შეგახსენებთ, „ვაჟიშვილი“ თანამედროვე რეჟისორმა დავით ჩხარტიშვილმა გორის თეატრის სცენაზე 2 წლის წინ დადგა.
„ეს ამბავი მოზარდზეა, ვისთანაც დიალოგი ჩაგვეშალა. ერთდროულად იყო შვილიც და მშობელიც, ნიშნავს უზრუნველყოფდე დროთა კავშირს. აერთიანებდე წარსულს და მომავალს. მონაწილეობდე სიცოცხლის მარადიულ წრებრუნვაში,თავს გრძნობდე ამ უწყვეტი ჯაჭვის ნაწილად და მიიღო თამაშის ის წესები, რომელიც არ დაგიდგენია და კაცმა რომ თქვას, არავინ იცის საიდან მოვიდა. სპექტაკლი ეძღვნებათ ჩვენს შვილებს და მათთან ვერ გატარებულ დროს… გელოდებით საგულშემატკივროდ“, - ნათქვამია თეატრის მიერ გავრცელებულ ინფორმაციაში.
სპექტაკლის ხანგრძლივობა 75 წუთია და მასში გორის თეატრის წამყვანი მსახიობები მონაწილეობენ.
კვირის ამბები
3 031 საარჩევნო უბნიდან 483 საარჩევნო უბანი განთავსებულია საბავშვო ბაღების შენობებში, 1675 საარჩევნო უბანი - სკოლების შენობებში
2025 წლიდან, საყოველთაო ჯანდაცვის პროგრამაში მონაწილეობის მიღებას მხოლოდ საერთაშორისო აკრედიტაციის მქონე სამედიცინო დაწესებულებები შეძლებენ
ამომრჩეველი, რომელიც რეგისტრირებულია მისამართის მითითების გარეშე, 5 ოქტომბრამდე უნდა გამოცხადდეს სახელმწიფო სერვისების სააგენტოში და რეგისტრაცია გაიაროს დროებითი საცხოვრებელი ადგილის მიხედვით
კანონის მიხედვით, 17 მაისი საკანონმდებლო დონეზე ოჯახის სიწმინდისა და მშობლების პატივისცემის დღედ დგინდება და დასვენების დღედ ცხადდება