გარემოს ეროვნული სააგენტოს ინფორმაციით, 29 აგვისტოდან ერთი კვირის განმავლობაში, გორის მუნიციპალიტეტის ტერიტორიაზე კვლავ უნალექო ამინდი და მაღალი ტემპერატურაა მოსალოდნელი.

29 აგვისტოს, გორში, მოსალოდნელია +33 გრადუსი და პერიოდულად სუსტი ქარი 9 მ/წ-მდე.

+33 გრადუსი და დღის მეორე ნახევარში ქარია მოსალოდნელი გორის მუნიციპალიტეტის ტერიტორიაზე 30 აგვისტოსაც.

31 აგვისტოდან 3 სექტემბრის ჩათვლით კი, ჰაერის ტემპერატურა რამდენიმე გრადუსით მოიმატებს და +36 გრადუსს მიაღწევს.

4 სექტემბრიდან გორის მუნიციპალიტეტში ჰაერის ტემპერატურის კლებაა ნავარაუდევი.

5-6 სექტემბერს, სინოპტიკოსები +25 გრადუსს ვარაუდობენ, ამავდროულად, 5 სექტემბერს მოსალოდნელია ქარი 12 მ/წ-მდე.