დღეს, 12:00 საათზე გამოქვეყნდება ერთიანი ეროვნული გამოცდების აპელაციის შედეგები, ასევე გათანაბრებული და სკალირებული ქულები, - ამის შესახებ შეფასებისა და გამოცდების ეროვნული ცენტრის დირექტორმა სოფიო გორგოძემ სპეციალურ ბრიფინგზე განაცხადა.

naec-ის ცნობით, საბოლოო შედეგების გამოქვეყნების შემდეგ, საგანმანათლებლო პროგრამების წაშლისა და დამატების საშუალება აბიტურიენტებს მხოლოდ მომდევნო დღის 18:00 საათამდე ექნებათ.

საერთო სამაგისტრო გამოცდის და მასწავლებელთა საგნის გამოცდების აპელაციის შედეგებს კი, გამოცდების ეროვნული ცენტრი მომავალ კვირაში, თანმიმდევრულად გამოაქვეყნებს.