სინოპტიკოსების ცნობით, მაღალი ტემპერატურა, უნალექო ამინდი და პერიოდულად ქარი გორის მუნიციპალიტეტის ტერიტორიაზე თვის ბოლომდე შენარჩუნდება.

დღეს, 17 აგვისტოს, ჰაერის მაქსიმალური ტემპერატურა +35 გრადუსს მიაღწევს, მოსალოდნელია ქარიც 12 მ/წ-მდე.

18-დან 26 აგვისტოს ჩათვლით კი, გორში მოსალოდნელია +31-33 გრადუსამდე სიცხე და უნალექო ამინდები, ამასთანავე, აღნიშნული პერიოდის განმავლობაში, პერიოდულად მოიმატებს ქარის სიჩქარე და 9-დან 12 მ/წ-მდე დაფიქსირდება.

შეგახსენებთ, მოსალოდნელ ამინდებთან დაკავშირებით, საგანგებო სიტუაციების მართვის სამსახურმა განცხადება გაავრცელა და მოსახლეობას მოუწოდა, რომ შესაძლო გართულებების თავიდან ასაცილებლად, მოქალაქეებმა გამოიჩინონ პასუხისმგებლობა, არ დაანთონ ცეცხლი სასოფლო-სამეურნეო სავარგულებზე, ტყის ან ველის სიახლოვეს და არ დატოვონ ცეცხლის კერები უყურადღებოდ.