საზოგადოება
06.01.2020 15:12
როდის გასაჯაროვდება 2020 წლის მისაღები გამოცდების სავალდებულო საგნების საბოლოო ჩამონათვალი
2020 წლის ერთიან ეროვნულ გამოცდებზე დარეგისტრირებულ აბიტურიენტებს, შესაძლოა, აქამდე ცნობილი სავალდებულო საგნებისგან განსხვავებული ჩამონათვალის ჩაბარება მოუწიოთ. სხვადასხვა უმაღლეს საგანმანათლებლო პროგრამაზე მოსახვედრად უნივერსიტეტების მიერ არჩეული სავალდებულო საგნების საბოლოო ვარიანტი ჯერ ისევ გაურკვეველია.
როგორც ცნობილია, უნივერსიტეტებს აქამდე არსებული სიის ცვლილების საშუალება გასული წლის დეკემბრამდე ჰქონდათ, თუმცა, განათლების, მეცნიერების, კულტურისა და სპორტის სამინისტროს ამ დრომდე, საბოლოო მონაცემები არ გამოუქვეყნებია. ამასთან, გავრცელებული ინფორმაციის თანახმად, შესაძლოა, 2020 წლის ეროვნულ გამოცდებს სხვა სავალდებულო საგნებიც დაემატოს.
