საზოგადოება
04.08.2022 11:10
გორელმა ლუკა მურადაშვილმა ინგლისურ ენაში 79 ქულა აიღო
გამოცდების ეროვნული ცენტრის მიერ გამოქვეყნებული უცხოური ენების გამოცდების პირველადი შედეგებით, გორელმა ლუკა მურადაშვილმა ინგლისურ ენაში 79 ქულა აიღო (მაქსიმალური 80-დან).
ლუკა მურადაშვილი გორის 1-ლი საჯარო სკოლის კურსდამთავრებული და ოქროს მედალოსანია.
შეგახსენებთ, შედეგების გასაგებად, აბიტურიენტმა შეფასებისა და გამოცდების ეროვნული ცენტრის გვერდზე შესვლის შემდეგ, შესაბამის ველში უნდა მიუთითოს პირადი თერთმეტნიშნა ნომერი და ხუთნიშნა პაროლი.პირად გვერდზე გამოსაცდელს ექნება საკუთარი ნაშრომის ასლისა და კონკრეტულ საგანში მიღებული პირველადი ქულის ნახვის შესაძლებლობა.
როგორც გამოცდების ეროვნულ ცენტრში აცხადებენ, შეფასებასთან დაკავშირებით საპრეტენზიო განაცხადების მიღება დაიწყება ყველა შედეგის გამოქვეყნების შემდეგ.
