სსიპ საგანმანათლებლო დაწესებულების მანდატურის სამსახური ქვეყნის მასშტაბით სოციალური მუშაკის შესარჩევ კონკურსს აცხადებს.

კონკურსის სხვადასხვა ტერიტორიულ ერთეულებში ცხადდება, მათ შორის შიდა ქართლის სამ მუნიციპალიტეტში - გორში, ქარელსა და ხაშურში.

კონკურსის პირობებისა და კანდიდატისათვის წაყენებული სავალდებულო მოთხოვნების თანახმად, კანდიდატს მოეთხოვება უმაღლესი განათლება; სოციალური მუშაობის სფეროში ბაკალავრის, მაგისტრის/მაგისტრთან გათანაბრებული ან დოქტორის აკადემიური ხარისხი ან „სოციალური მუშაობის შესახებ“ საქართველოს კანონით გათვალისწინებული სოციალური მუშაობის სერტიფიკატი; სახელმწიფო ენის სრულყოფილად ცოდნა.

გარდა ამისა, აპლიკანტი უნდა ფლობდეს სხვადასხვა უნარ-ჩვევებს: კომუნიკაბელურობა; გამართულად მეტყველების უნარი; ინფორმაციის/მონაცემთა ანალიზის უნარი; სიზუსტესა და დეტალებზე ორიენტირების უნარი; პასუხისმგებლობის მაღალი გრძნობა; დროის ეფექტურად მართვის უნარი; სტრესულ გარემოში ეფექტიანად მუშაობის უნარი; დამოუკიდებლად მუშაობის უნარი; გუნდურად მუშაობის უნარი.

აღნიშნულ ვაკანტურ პოზიციებზე შრომის ანაზღაურება 1500 ლარის (დარიცხული) შეადგენს.

დაინტერესებულმა პირებმა უნდა წარადგინონ შემდეგი დოკიმენტები: სააპლიკაციო ფორმა (შევსებული სრულად, არა სკანირებული); პირადობის დამადასტურებელი დოკუმენტი; უმაღლესი განათლების დამადასტურებელი დიპლომი; „სოციალური მუშაობის შესახებ“ საქართველოს კანონით გათვალისწინებული სოციალური მუშაობის სერტიფიკატი (იმ შემთხვევაში, თუ კანდიდატს არ აქვს უმაღლესი განათლება სოციალური მუშაობის მიმართულებით).

განაცხადისა და შესაბამისი დოკუმენტების გაგზავნა აპლიკანტებს შეუძლიათ ელექტრონულ ფოსტაზე - hr1@mandaturi.gov.ge.

ცნობისთვის, კონკურსში მონაწილე პირთა განცხადებების მიღება წარმოებს 2022 წლის 18 ივლისიდან 6 აგვისტოს ჩათვლით.