კულტურა
07.07.2022 15:20
ხვალ, გორის თეატრს რუსთაველის თეატრი ეწვევა
საგასტროლო ტურნეს ფარგლებში, გორის თეატრს, ხვალ, 8 ივლისს, რუსთაველის ეროვნული თეატრი ეწვევა და ორი დღის განმავლობაში წარმოდგენებს გამართავს.
გ. ერისთავის სახელობის თეატრის ინფორმაციით, 8 ივლისს, 19:00 საათზე წარმოდგენილი იქნება გოჩა კაპანაძის რეჟისორული ნამუშევარი, ერთმოქმედებიანი კომედია - „ძუნწი“ (პიესის ავტორი გიორგი ერისთავი).
9 ივლისს, 19:00 საათზე კი, სასცენო ხელოვნების მოყვარულები ერთმოქმედებიანი ტრაგიკომედიის, „თამაშის დასასრული“-ს (რეჟისორი რობერტ სტურუა) ნახვას შეძლებენ.
„გორის მაცნეს“ ინფორმაციით, ზემოხსენებული გასტროლი საქართველოს კულტურის, სპორტისა და ახალგაზრდობის სამინისტროს მხარდაჭერით იმართება.
