საზოგადოება
04.07.2022 15:30
მთავრობის გადაწყვეტილებით, ტურისტულ სექტორში დასაქმებული მეწარმეები ქონების გადასახადისგან გათავისუფლდნენ
ტურისტულ სექტორში დასაქმებული მეწარმეები ქონების გადასახადისგან გათავისუფლდნენ, - აღნიშნული გადაწყვეტილება საქართველოს მთავრობის ადმინისტრაციამ ცოტა ხნის წინ გაასაჯაროვა.
გადაწყვეტილების თანახმად, აღნიშნული შეღავათით 1 200-ზე მეტი გადასახადის გადამხდელი ისარგებლებს. რაც შეეხება გადასახდელი თანხის ოდენობას, გავრცელებული ინფორმაციით, საშეღავათო თანხა, დაახლოებით 40 მილიონ ლარს შეადგენს.
შეგახსენებთ, რომ ტურისტულ სექტორში დასაქმებულ მეწარმეებად ითვლებიან პირები, ვინც მომსახურებას სთავაზობენ როგორც უცხო ქვეყნის ვიზიტორებს, ისე ადგილობრივ დამთვალიერებლებს.
