საზოგადოება
01.07.2022 11:17
გორში კიდევ ერთი ქუჩის რეაბილიტაცია დაიწყო, ბესიკის ქუჩაზე საგზაო ინფრასტრუქტურის სრული კეთილმოწყობა იგეგმება
გორში, კომბინატის დასახლებაში, ბესიკის ქუჩაზე სამუშაოები დაიწყო. რეაბილიტაცია
გზის 382 მეტრიანი მონაკვეთის კეთილმოწყობას ითვალისწინებს. პროექტის თანახმად, დაგეგმილია ასფალტის საფარის სრული აღდგენა, ასევე საფეხმავლო ტროტუარების კეთილმოწყობა, გათვალისწინებულია პანდუსების, საგზაო მონიშვნების და სიჩქარის შემზღუდველი ბარიერების მონტაჟიც.
ბესიკის ქუჩაზე მიმდინარე სამუშაოებს გორის მუნიციპალიტეტის მერის პირველი მოადგილე ნიკა ღვინიაშვილი გაეცნო და კონკრეტული დეტალები ტენდერში გამარჯვებული კომპანიის წარმომადგენლებთან ადგილზე განიხილა.
