მოზარდების ცნობიერების ამაღლების და სხვადასხვა ფსიქოლოგიური სირთულეების დაძლევის ხელშეწყობის მიზნით, გორის საჯარო ბიბლიოთეკაში მიმდინარე ტრენინგების კურსის ფარგლებში, კიდევ ერთი შეხვედრა გაიმართა.

თემაზე - ,,სტრესის მართვა“, მოზარდებთან, ფსიქოლოგმა ეკა ჯაფიაშვილმა ისაუბრა. შეხვედრას გორის მუნიციპალიტეტის სხვადასხვა საჯარო სკოლის წარმომადგენელი, 12-დან 14 წლამდე ასაკის მოსწავლე ესწრებოდა.

„საჯარო ბიბლიოთეკაში არსებული „ამერიკის კუთხის“ მიერ დაგეგმილი ტრენინგები მოსწავლე-ახალგაზრდებისთვის მიმდინარე წლის აპრილის თვეში დაიწყო და ივნისის ჩათვლით გაგრძელდება. პროექტის მიზანია ბავშვებში ცნობიერების ამაღლება და სხვადასხვა ფსიქოლოგიური სირთულის დაძლევის ხელშეწყობა“, - აცხადებენ გორის მუნიციპალიტეტის კულტურისა და ტურიზმის განვითარების ხელშეწყობის სააგენტოში.