საზოგადოება
21.05.2022 15:14
გერმანიაში ტორნადომ რამდენიმე ქალაქი დააზარალა, დაშავდა 43 ადამიანი, ერთი კი გარდაიცვალა
გერმანიაში, რაინ-ვესტფალიის მხარეში, ტორნადომ რამდენიმე ქალაქი და დასახლება დააზარალა. ყველაზე მნიშვნელოვნად დაზიანდა პადერბორნის რაიონი.
გერმანიის ხელისუფლების ცნობით, ამ დროისთვის დადასტურებული ინფორმაციით, სტიქიის შედეგად 43 ადამიანი დაშავდა, რამდენიმე მათგანის ჯანმრთელობის მდგომარეობა მძიმეა. ქალაქ ვიტგერტში კი, სტიქიას 38 წლის მამაკაცი ემსხვერპლა.
ადგილობრივი საგანგებო სიტუაციების სამმართველოს ცნობით, ქალაქ პადერბორნსა და კიდევ რამდენიმე დასახლებულ პუნქტში, დაზიანებულია უამრავი შენობა და სხვა ინფრასტრუქტურა.
